Hvað viltu láta gera? Leikvöllurinn er innrammaður á alla kanta af görðum húsanna í kring. Sjálfur völlurinn er orðinn hrörlegur, þarf að fríska upp á leiktæki og fjarlægja sand, sem er hvorki hreinn né heilsusamlegur að róta í. Setja í stað hans gúmmímottur/hellur/gras eins og sjá má á nýlegri leiksvæðum. Þar sem þetta er afmarkaður reitur og rólegur væri upplagt að planta gróðri, runnum og trjám og setja bekki/borð. Þannig mætti skapa lítinn listi garð fyrir þá íbúa hverfisins sem ekki hafa aðgang að garði eða vilja njóta kyrrðar og fegurðar meðan þau fylgjast með börnum við leik. Að loknum faraldri mætti setja upp lítið skiptibókahús/kassa sem íbúar hverfisins gætu gefið í og sótt sér bækur. Sbr. Cícero: Sá sem á garð og bókasafn þarfnast einskis frekar. Hvers vegna viltu láta gera það? Leiksvæðið og tæki komin á tíma varðandi endurnýjun og viðhald. Sandur sem þekur svæðið er skítugur og óheilsusamlegur fyrir lítil börn að róta í. Umhverfi og lega svæðisins býður upp á að skapa fallegan og hlýlegan garð/reit fyrir íbúa borgarinnar.
Sammála að gott væri að poppa þetta svæði aðeins upp
Frábær hugmynd, kominn tími á viðhald og endurnýjun.
Best geymda leyndarmál Ártunsholts svo fallegt svæði sem ekkert er hugsað um að hálfu borgarinnar, ég styð þessa tillögu heilshugar og hvet borgina til að laga þetta svæði eins og önnur svæði í hverfinu. Einnig þarf betri lýsingu þarna á kvöldin
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Árbæjar og Norðlingsholts á miðvikudaginn næstkomandi þann 28. apríl milli kl. 17-19 þar sem valdar verða 20 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/730082194357926/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation