Hvað viltu láta gera? Ég vil minnka gegnumakstur í Skipasundi, Efstasundi og Drekavogi og draga úr hraðakstri í þeim götum með prufulokun á götunum við Brákarsund. Hraðinn er gífurlegur í götunni og oftar en ekki virðast þetta vera einstaklingar sem eru að stytta sér leið í gegnum göturnar. Börnin okkar hafa verið hársbreidd frá slysi vegna glæfraaksturs. Samhliða felur hugmyndin í sér að leggja grunn að laugardagsmarkaði í Brákarsundi yfir sumarið þar sem borgin myndi leigja út söluborð frá Langholtsvegi og niður í Sæviðarsund. Þetta myndi gera hverfið að spennandi áfangastað innan borgarinnar sem myndi auka eftirspurn eftir verslun og þjónustu í hverfinu. Hverfismarkaðir skapa einstaka félagslega upplifun sem nágrannar geta notið saman. Hvers vegna viltu láta gera það? Til að auka öryggi og gæða hverfið lífi
Lokun á Sundunum þarna væri til mikilla bóta fyrir íbúa, hvernig sem þau kjósa ad ferðast.
Setja frekar hraðamyndavél.
Það yrði mjög skemmtilegt að setja upp markað í Brákarsundinu. Þar mætti selja ýmis konar handverk, sultur, heimaræktað grænmeti o.fl. Börnin gætu einnig sett upp hlutaveltu með einhverju áhugaverðu og margt fleira mætti gera 😀
Frábær hugmynd. Myndi auka öryggi þeirra fjölda barna sem þarna fara í gegn daglega í sína skóla og mynda skemmtilega hverfisstemmningu.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Skipulagsferill þessar hugmyndar væri of langur fyrir tímaramma verkefnisins eða hugmyndin samræmist ekki gildandi skipulagi á svæðinu. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation