30 km/h í Álfheimum

Álfheimar er íbúagata, í miðri hverfi sem er 30 km/h í dag. Hverfið er vinsælt og gróið fjölskylduhverfi með mörgum ungum börnum. Lækkaður hraði mundi minnkar ogn af hálfu bílana. Gatan er við Langholtsskóla og margir krakkar að þvera götuna á hverjum degi og leika sér við hana. Á álagstímum er frekar mikil umferð en raunhraði virðist þá vera vel undir 30 km/h nú þegar. Lækkaður hraði leiðir einnig til lækkaðs hljóðstigs og loftmengunar.

Ég tek undir ofangreint. Það er óraunhæft að hafa 50 km hámarkshraða á þessari götu, með 30 km hraða mun bæði gangandi og akandi líða betur

Ég tek undir lækkun hámarkshraða í Álfheimum niður í 30km/klst. Þó er ekki svo auðvelt að ná 50 km hraða nema á einum kafla vegna hraðahindrana. Mér finnst hraðahindranir vera of margar í Álfheimum, 5 ef mér telst rétt til. Það er óeðlilegt að hafa hraðahindranir í götu með 50 km hraða sem koma í veg fyrir að þeim hraða sé náð. Þessi fjöldi hraðahindrana bendir til að stefnan sé að hafa lægri hraða í götunni og því eðlilegra að lækka hámarkshraðann. Á móti legg ég til að hraðahindrunum verði fækkað og merktum gangbrautum fjölgað í staðinn. Merktar gangbrautir í Álfheimum eru aðeins 2 fyrir utan gatnamótin við Langholtsveg og Suðurlandsbraut. Öllu fleiri afmarkaðar gönguleiðir eru víðar yfir götuna, þ.e. tvískiptar umferðareyjur sem beina gangandi þar yfir án þess þó að vera merktar gangbrautir. Það er hættulegt, sérstaklega þar sem leyfilegur hámarkshraði er 50 km. Þetta margar hraðahindranir tel ég auka á óþol bílstjóra sem hugsanlega gefa frekar í á milli hraðahindrana þar sem það má jú aka á 50 km/klst.